Buhagen

Buhagen er eit merkevaresamarbeid mellom to gardbrukarfamiliar på Skiftun på Jøsneset. Gardane ligg ned mot fjorden, med kort vei til heia. Mange av varene kan du kjøpa i Krambuå, som er open for sjølvbetjening.

På produktlista til Buhagen finn ein mellom anna lammeskinn, pinnakjøt, fenalår, fårikålkjøt og lammesteik av villsau, samt indrefilet, ytrefilet, entrecote, mørbrad og flatbiff av jersey-kalvar. Dessutan blir det tappa frisk og fyldig eplemost og eplesider på flasker og kartong.

Eplesider får du berre kjøpt av betjeninga torsdagar og fredagar kl. 16:00–18:00, samt laurdagar kl. 12:00–14:00. Du kan òg ta kontakt på tlf. 900 62 330 utanom opningstidene.